Pigado ang kabuhi subong apisar may ubra, bangud sa padayon nga pagsaka sang presyo sang mga balaklon.
Ini ang ang nangin pahayag ni Jun Bergado, isa ka sekyu sa Syudad sang Koronadal, sa interview sang Bombo Radyo Koronadal.
Suno kay Bergado, ang 400 pesos nga ginagasto niya sa gatong sang una ang nagaabot sang isa ka semana, apang sa subong yara na lang sa lima ka adlaw.
Bangud sini, napilitan sila nga magsalig sa utang agud masuportaran ang adlaw-adlaw nga panginahanglan para sa iya pamilya.
Dugang ni Bergado, bisan pa may mga roll back sa presyo sang gatong sang nagligad, wala ini sang dako nga epekto sa ila kahimtangan bangud sa nagapabilin sa gihapon sa matag-as nga presyo sini sa merkado.
Bisan pa may regular nga sweldo kada bulan, indi gihapon ini makasarang agud makabakal sang sobra ukon makatigana.
Bangud sini, ginapanawagan niya sa gobyerno nga himuon ang angay nga tikang agud masolusoyanan ang problema, lakip na ang pagsaka sang sweldo kag paghatag sang mas epektibo nga bulig sa sektor g tuman ka apektado sang krisis s gatong.
