KORONADAL CITY- Nagapadayon sa karon ang imbestigasyon sang mga otoridad sa nagluntad nga shooting incident sa national highway sa Lower Paredes St., Koronadal City.
Ini ang nangin pahayag ni PLtCol. Hoover Antonio, COP sang Koronadal CPS sa interview sang Bombo Radyo Koronadal.
Suno sa iya,sa inisyal nga imbestigasyon, ginkilala ang biktima nga si Hapis Sanggacala, 28-anyos, ukay-ukay vendor, kag residente sang Marawi City.
Ginsundan suno pa sila sang riding-in-tandem suspek kag gilayon nga ginluthang ang drayber nga si Sanggacala nga agad gilayon naman nga gindangat sa ospital para sa nagakaigo nga medikasyon.
Samtang makaligad ang pagluthang gilayon man nga nakapalagyo ang suspek sakay sang motor padulong sa direskyon sa Tantangan, South Cotabato.
