KORONADAL CITY – Indi na suno pa kinahanglan ang mas mahal nga mga bulong kun mahimo naman nga mag-ayo batok sa covid-19.
Suno kay Dr. John Cabardo, isa ka scientist sa California sa Amerika apang tumandok sang Iloilo, mas maayo ang pagpabulad sa adlaw agud mapatay ang nasambit nga virus.
Mas maayo suno pa kun magpabulad sa adlaw sa sulod sang 15 minutos ilabi na sa tion sang alas 10 sang aga, alas 2 ukon alas 4 sang hapon.
Pinaagi sini, mahimo nga mapatay ang virus bangud sa ultraviolet rays nga nagikan sa adlaw.
Sa pihak nga bahin, ginpahayag sini nga amat-amat na nga nagaabri sang border ang pila ka mga estado sa pihak sang nasambit nga krisis.
Dugang ni Dr. Cabardo, yara sa tunga na nga mga estado ang nagapahalog sang ila nga mga borders.
Sa pihak sini, ginakabig sa gihapon suno pa sang mga tawo nga exaggerated ang mga nagakatabo sa ila lugar kun sa diin ginabansagan na dayon nga covid-19 positive apesar nakaeksperyensiyar pa lamang ang isa ka indibidwal sang sip-on.
