Padre de pamilya, nag-inom hilo-patay sa Tantangan, SoCot

KORONADAL CITY– Patay ang isa ka padre de pamilya sa banwa sang Tantangan, South Cotabato makaligad nga mag-inom suno pa sang hilo.

Sa nangin interbyu sang Bombo Radyo Koronadal kay Police Captain Romeo Albano, hepe sang Tantangan PNP, ginkilala ang biktima nga si Alyas Ben, 50-anyos, may asawa kag residente sang Prk. Sampaguita, Brgy Poblacion sang nasambit nga banwa.

Suno kay Albano naga-eksperyensa sang depression ang biktima nga nangin rason kung ngaa gin-utas sini ang iya nga kabuhi.

Sa karon, nagpamalibad pa nga maghatag sang impormasyon ang pamilya sang biktima sa kun ano ang rason sa pagka-depress sini nga nagresulta sa iya nga paghikog.