KORONADAL CITY- Tuman nga ginkalipay sang mga Pinoy sa Israel ang pag-ugyon sang Israel government kag Hamas militants nga mgapatigayon sang ceasefire kag ipauntat temporaryo ang giyera labi na ang baylohanay sang rocket attacks
Ini ang ginpakigbahin ni Bombo International CorrespondentButch Belo Sampiano nga masulosobra na nga isa ka dekada nga sa Tel Aviv,Israel bilang isa ka care giver nga tumandok sang Korondal.
Suno pa kay Sampiano,bangud sa temporaryo nga tigil putukan , nakatulog na sila sang hamook kag ang mga residente didto kag wala na sang mga telepono kag alarm nga naga paalinton nga may ara sang pagpang-atake
Apang dako suno pa ang pagpati sini nga temporaryo na lamang ang ceasefire bangud sa padayon nga inaway sang duwa ka pungsod
Sa pagkamatoud, naga usar suno pa sang pila ka mga bata nga combatants ang Hamas Militants kag Jihad Islamists nga yara sa Palestina para sa kinagamo sang Israel
Isa suno pa ini sa mga taktika sang militante nga grupo ang pagpadala sang bata nga mga combatants para ipahuya ang Israel sa tion nga mangin casualty ang mga ini
Samtang,padayon man ang pagbantay sa mga underground tunnels pakadto sa Israel, agud siguraduhon nga wala sang mga maka sulod nga miyembro sang militante nga grupo sa ila nga pungsod
