KORONADAL CITY- Desidido suno pa nga magsang-at sang kaso ang isa ka 28 anyos nga Overseas Filipino Worker ukon OFW halin sa Estados Unidos makaligad ini nga mabiktima sang duha ka investment scams.
Sa ekslusibo nga interbyu sang Bombo Radyo Koronadal kay alyas Dale, makaligad ini nga magpadulong sa Bombo Radyo Koronadal desidido na ini nga magsang-at suno pa sang kaso batuk sa founder sang KAPA nga si Joel Apolinario kag founder sang Rigen Marketing nga si John Rigen.
Suno kay Dale, indi suno pa basta-bata ang kwarta nga iya gin invest sa KAPA kag Rigen bangud iya nga ginbaligya ang iya gintukod nga puluy-an sa South Cotabato kag pila ka mga kadutaan makaligad maengganyo sang iya mga abyan nga una na nga naka invest sa KAPA kag Rigen.
Sa karon nakapending pa ang balik sini sa US bangud sa mga problema nga pinansyal.
Kaangot sini tuman ang iya nga pagmahay bangud pila ka tuig siya nga nagatrabahp sa iban nga pungsod agud may mapundar apang bangud nasilaw ini sa promisa nga dako nga ganar sa iya gin invest nga kwarta, naalimunaw na lamang ang iya nga ginpangabudlayan.
