KORONADAL CITY- Nasapwan na lang nga wala na sang kabuhi ang isa ka Overseas Filipino Worker (OFW) sa ila nga puluy-an sa bahin sang Prk. Mauswagon Brgy. Liberty Tampakan, South Cotabato takna alas 3 sang hapon.
Sa ekslusibo nga interbyu sang Bombo Radyo Koronadal kay Carmela Chato katupad balay sang biktima, ginkilala ang naghikog nga si Myreen Rivera, 40 anyos kag bag-o lamang nagpauli halin sa abroad makaligad ang 6 ka bulan nga pag-ubra didto.
Ginkakibot na lamang suno pa sini nga nagpadulong ang iloy sang biktima kag nagpangayo sang bulig makaligad masapwan nga nagabitay na ini sa ila kusina makaligad maghikog.
Ginalantaw naman nga kabangdana amuh ang tuman nga problema sini ilabi na nga indi suno pa ini makatulog sang maayo humalin pa sang ini ang nag ubra sa abroad kag nagmasakit kag ginpapauli sang iya mga amo.
