KORONADAL CITY – Natalana nga magguwa buwas nga adlaw ang resulta sang isa ka OFW sa pungsod Kuwait makaligad malatnan sang coronavirus disease.
Sa interbyu sang Bombo Radyo Koronadal kay Motmot Demerin Dioso, 30 anyos, nga nagaobra sa Abdulla Al Mubarak kag tumandok sang Barangay Cabudian, Banga, South Cotabato, padayon ang ila pag-ayo bangud sa padayon nga medikasyon kag pahuway.
Ginpasiguro man sini sa iya pamilya sa banwa sang Banga nga nag-ayo na ang iya kondisyon.
Madumdoman nga madamo ang naluoy sa iya sa iya video humalin sang nalatnan ini sang sintomas halin sa iya agalon kag ginpamalibaran pa sa ospital bangud sa wala ini sang mapakita nga civil ID.
Ginpasiguro naman ni Banga Mayor Albert Palencia ang nagakaigo nga bulig sa pamilya ni Motmot.
