KORONADAL CITY- Nakapauli na ang isa ka Overseas Filipino Worker halin sa Riyadh Saudi Arabia makaligad ini nga magpangayo sang bulig sa Bombo Radyo Koronadal makaligad nga ginlugos sang iya nga amo.
Suno kay Bombo Correspondent Boyet Forro, makaligad maproseso ang reklamo sini gilayon sya nga na rescu kag napapauli kun sa diin nagpasalamat ini sa Bombo nga nasalbar sya.
Kun madumduman sa interbyu sang Bombo Radyo Koronadal kay alyas Arianne halin sa South Cotabato, magduha ka tuig pa lang ini sa iya mga amo sang maka eksperyensya ini sang pagpangmaltratar sang iya amo kag ang pinakamalala ginlugos pa ini.
Dugang pa nga una nga adlaw pa lang sini sa iya nahibaluan na sini nga may malain nga intensyon ang amo sini nga lalaki kag wala man sang mahimo ang amo nga babayi bangud bulag ini.
Sa karun apisar malain ang iya naagyan, nagpasalamat sa gihapon ini bangud buhi pa sya kag nakauli na sa pungsod ilabi na nga kinahanglan man siya sang iya iloy nga yara sa ospital sa sini nga mga tinion.
