KORONADAL CITY– Gilayon nga gindala sang iya nga employer ang Overseas Filipno Worker nga nagpangayon sang bulig sa Bombo Radyo sa iya nga agency matapos nga maglapta kag magviral ang ginpadala sini nga video nga nagapangayon sang bulig sa Bombo Radyo.
Ginkilala ang OFW nga si Pinky Cabradilla sang Busok, Bagumbayan Sultan Kudarat kun sa diin 10 palang ka bulan nga nagatrabaho sa Arrar City, Dammam Saudi Arabia.
Sa impormasyon nga ginpalab-ot ni Bombo Radyo Correspondent Bombo Boyet Forro, yara na sa maayo nga kahimtang ang sitwasyon si Pinky matapos nga mismo ang employer sini ang nagdala sa iya sa iya agency nga Munif aldamashi matapos nga mabalitaan ang report sang Bombo Radyo kag ginaksyunan paagi sa pakig angot kay Bombo Correspondent Bombo Boyet Forro kag pagreport sa POLO sa Saudi Arabia.
Gilayon naman nga nasettle ang nasambit nga problema kag nagdesisyon si Pinky nga magpabilin anay sa iya nga employer kag magtrabaho apang hatagan sang nagakaigo nga pagkaon, tulog kag sweldo.
Naistoryahan man nga sa panahon nga masulit ang pagpang-abuso sa OFW gilayon ini nga magbalhin sang employer okun magpuli sa Pilipinas.
