Nagdangat na sa 2,179 ang nabatyagan nga sunod-sunod nga paglinog humalin sang Enero 19 kag Enero 29 sa katubigan sang Kalamanisg, Sultan Kudarat.
Ini ang nangin pahayag ni Beverly Anne Santos ang Information Officer 2 sang OCD Region 12 sa interview sang Bombo Radyo Korondal.
Suno kay Santos, wala sang may na monitor nga mga dalagkuan nga pagkaguba sa rehiyon 12 sa sunod-sunod nga pag linog nga na experyensyahan apang importante suno pa nga maghalong kag mangin alerto sa mga aftershocks.
Madumdoman nga kahapon sang adlaw sang Miyerkules, nakabatyag sang linog ang pila ka nga ka probnsyahanan lakip na ang Sultan Kudarat nga naka rekord sang 5.9 nga pagtay-og. Sa diin nagpatuman sang mga pagsuspende sang klase agud ma chekyar ang mga bolothoan kag agud masiguro ang kaluwasan sang mga estudyante.
Dugang pa ni Santos, sa subong ginahulat pa ang opisyal nga kabilugan sang mga nag evacuate sa Kalamansig, Sultan Kudarat, Palimbang kag iban nga lugar para mahibaluan ang numero sang mga nag evacuate.
Bukas naman suno pa ang mga tagsa-tagsa nga lugar kung gusto mag evacuate sang mga pomoloyo bangud matag-isa sini may mga evacutaion area na agud masiguro ang kaluwasan.
Panawagan naman ni Santos, nga kinahanglan mangin alerto sa sunod-sunod nga mga pag linog kag importante nga mangin kalmado.
