Nagsaka na sa 1,430 ang kumpirmado nga napatay matapos ang naglambigitay nga linog sa Venezuela, samtang padayon ang tikang sang mga rescue team sa pagpangita sang posible pa nga mga survivor, kapin tatlo ka adlaw matapos ang kalamidad.
Padayon nga ginapabudlayan sang masunod-sunod nga aftershocks ang operasyon sang mga rescuer.
Nagaatubang man sang daku nga kabudlayan ang mga balay-bululngan sa pagbulong sang mga napilasan bangud sang malawig na nga problema sa healthcare system sang Venezuela.
Samtang, nagapadayon ang pag-abot sang internasyonal nga bulig para sa pungsod.
Suno sa isa ka opisyal sang Estados Unidos, operational na liwat ang isa sa mga runway sang international airport malapit sa Caracas, nga makabulig sa mas madasig nga pagpasulod sang humanitarian aid.
Luwas sa relief supplies, nagpadala man ang Estados Unidos kag iban pa nga mga pungsod sang espesyal nga search and rescue teams agud magbulig sa nagapadayon nga operasyon sa lugar.
