Nagdangat na sa 6,652 ka aftershocks ang nagpagkit sang Philippine Institute of Volcanology and Seismology (PHIVOLCS) matapos ang mabaskog nga magnitude 7.8 nga patay-og nga nag-igo sa Sarangani sang Hunyo 8, 2026.
Suno sa pinakaulihi nga datos sang PHIVOLCS, sa sini nga numero, 1,575 ang na-plot ukon na-identify sa monitoring system sang ahensya, samtang 80 naman ang aktuwal nga nabatyagan sang publiko.
Nagadangat ang mga aftershocks sa magnitude 1.2 tubtob 6.4, nga nagapakita nga padayon pa ang paghulag sang fault lines sa apektado nga rehiyon.
Ginpahayag sang PHIVOLCS nga kasagaran nga nagasunod ang mga aftershocks matapos ang kusog nga linog kag posible pa nga magpadayon sa masunod nga mga semana ukon bisan bulan samtang naga-stabilize ang underground faults.
Samtang, ginapahanumdom sang mga otoridad ang mga residente sa Mindanao nga magpabilin nga alerto, magtuman sang safety protocols, kag maglikaw sa mga delikado nga estruktura samtang padayon ang monitoring kag assessment sang sitwasyon.
