Nag-umpisa na mag-abot sa Middle East ang nilibo ka suldado sang elite 82nd Airborne Division sang U.S. Army samtang ginapaminsaran ni U.S. President Donald Trump ang masunod nga tikang batok sa Iran.
Dugang ini sa mga nauna nga pwersa sang U.S. kasubong sang Marines, Navy, kag Special Operations, lakip na ang 2,500 ka Marines nga nag-abot sang weekend.
Wala pa klaro kun diin I-deploy ang mga tropa, apang ginakabig ini nga preparasyon para sa mas dako nga operasyon.
Ginalauman nga posible gamiton ang pwersa sa pagsiguro sang oil routes sa Strait of Hormuz ukon sa mga delikado nga misyon kasubong sang pagkuha sang nuclear materials sang Iran.
Samtang wala pa pinal nga desisyon sa pagsulod sa Iran, ginpahayag ni Trump nga bukas siya sa pakig-angot sa mas “reasonable” nga liderato, apang nagpaandam nga posbile nila atakehon ang oil facilities kin indi mag-abri ang Strait of Hormuz.
Sa pihak sina, may kabudlayan sa pulitika ang pag-usar sang ground troops bangud sa kulang nga suporta sang publiko.
Masobra 11,000 ka target na ang gin-atake sang U.S., halin Pebrero 28, nga nagresulta sa masobra 300 ka pilason kag 13 ka napatay sa ila pwersa.
