POLOMOLOK, SOUTH COTABATO – Nagapadayon ang imbestigasyon sang mga otoridad sa pagpangluthang-patay sa isa ka persona sa bahin sang Prk. San Vicente Sin, Brgy. Magsaysay, Polomolok, South Cotabato kahapon sang hapon.
Suno kay P/Capt. Rommel Hitalia, deputy COP sang Polomolok PNP, ginkilala ang biktima kay Akmad Mamadra Pasagui, 50 anyos, isa ka tricycle driver kag resisdente sang Brgy. Rubber. Polomolk, South Cotabato.
Sa imbestigayon sang Polomolok PNP samtang nagapakay-o sang tricycle ang biktima sa isa ka vulcanizing shop, hinali na lang nga may nagpondo nga isa ka wala pa nakilal-an nga suspek sakay sang isa ka motorsiklo kag hinali na lang nga ginluthang ang biktima sa nagkalain lain nga bahin sang iya nga lawas
Nakuhasang mga otoridad sa crime scene ang 9 ka basiyo sang calibre 45 nga ginapatihan nga gin usar sang suspek sa pagluthang sa biktima.
Dugang pa ni Capt. Hitalia nga sa kasamtangan padayon ang imbestigasyon kag hot pursuit operation nga ginapatigayon sang mga otoridad batok sang suspek nga naghimo sang krimen.
