KORONADAL CITY – Emosyunal nga nagpanawagan ang isa ka bana sa iya iya nga asawa nga kuntani magpuli na ini matapos nga maglayas dala ang dos anyos nila nga bata kag P5,000 SAP financial assistance.
Sa interbyu sang Bombo Radyo Koronadal kay Rey Delos Santos, residente sang banwa sang Polomolok, nagahingyo ini sa iya asawa nga si Amalia Peler nga kuntani magpauli na sa ila matapos nga hinali na lamang naglayas lima ka adlaw na ang nakaligad kag nag-upod suno pa sa isa ka lalaki nga katextmate sini.
Gindala ni Peler ang ila dos anyos nga bata kag lima ka libo nga SAP nga benepisyo nga nakapangalan sa iya bana.
Apela naman ni Delos Santos sa iya asawa nga magpakita sa iya agud nga maistoryahan nila ang problema kag makay-o ang anuman nga wala paghangpanay.
Nagpanawagan man ini sa lalaki nga gin-updan sang iya asawa nga iuli na ang mag-iloy sini.
