KORONADAL CITY – Magapangatubang sa kaso nga adultery kag concubinage sandig sa Articles 333 kag 334 sang Revised Penal Code ang isa ka Army Captain kag suldado nga babaye sang madakpan sang mga pulis ang mga ini nga nakighilawas sa isa ka resort sa banwa sang Maguinadano.
Ini ang nangin pahayag ni PMAJ Christopher Cabugwang, Chief of Police sang Parang Municipal Police Station sa interbyu sang Bombo Radyo Koronadal.
Suno sa iya, nakilal an ang mga suspek nga sanday Captain Ricky Serfino kag Private 1st Class Ronna Serra nga lunsya man mga miyembro sang Philippine Army.
Suno pa sa opisyal, naaktuhan nga nakit an nila ang duha ka mga opisyal nga nagahilawas sa isa ka kwarto sa isa ka resort sa nasambit nga lugar.
Ang pagkadakop sang duha ka opisyal ang suno man sa pagsugid sang suldado nga bana ni Serra.
Nahibaluan nga wala na sang gana nga makipag istorya sa iya nga bana rason nga daw nagaduda na ini sa iya nga pagpanghulag.
Dugang pa ni Cabugwang, desidido ang bana ni Serra nga paga sang atan ang iya nga asawa kag si Serfino sang reklamo nga kriminal kag administribo.
Sa subong, yara na ang mga suspek sa costudial facility sang Parang PNP.
