KORONADAL CITY- Nakabatak subong ang alerto sa tanan nga military detachments kag checkpoints sa bug-os nga rehiyon 12 makaligad ang nabaton nga pamahog nga magapatigayon suno pa sang pagpang-atake ang Bangsamoro Islamic Freedom Fighters (BIFF) bilang pagpakita suno pa sang suporta sang rebelde nga grupo ang terorista nga ISIS-Maute sa Marawi City.
Sa interbyu sang Bombo Radyo Koronadal kay 33rd IB commanding officer Lt. Col. Harold Cabunoc gikumpirma sini nga isa sa mga target sang rebelde nga grupo ang military detachment sa Brgy. Katico Pres. Qurino Sultan Kudarat nga kabahin sang ila AOR, pila ka bahin sang North Cotabato kag Maguindanao.
Sa subong gin-alerto na nila ang ila tropa kag may yara na sang pakig-angot sa mga militar sa kalapit nga mga probinsya sa bulig sang PNP.
Samtang sa probinsya sang South Cotabato, nakatutok na ang South Cotabato PNP kag 27th IB sa kumpirmado nga recruitment sang armado nga grupo sa pila ka banwa sang South Cotabato.
