KORONADAL CITY – Ginapabugal sang mga Pinoy ang pagbisita ni Pangulong Rodrigo Duterte sa Seoul, South Korea.
Ini ang ginpahayag ni Bombo International Correspondent Girlie Simpao Yoon nga residente sang Lake Sebu South Cotabato nga subong nagapuyo na sa South Korea matapos makapamana sang Koreano.
Suno kay Yoon, indi ma-deny ang popularity ni Pangulong Duterte sa nasambit nga pungsod bangud indi lamang ang mga Overseas Filipino Workers (OFW) sa Seoul ang nagbantay sa pag-abot siin apang mangin ang mga Koreano.
Gikan sa preparasyon antes pa man ang 3 days official visit sang pangulo sa South Korea nagbuligay ang tanan para sa preparasyon sini.
Kadam-an sa mga Pinoy didto ang nalipay sa pagbisita sang pangulo labi nga apat ka Memorandum of Understanding (MOU) nga pagapirmahan sa tunga sang duha ka gobyerno.
Ang mga MOU ngao ini ang naka-focus sa aspeto sang transportasyon, trade and industry, science kag loan agreement.
Samtang, indi man malipod nga dako ang pagdayaw sang mga Koreano kay Pangulong Duterte labi na sa kampanya sini batuk sa iligal nga droga.
