KORONADAL CITY – Mamutikan sa pila na ka mga botika sa siyudad sang Koronadal nga may yara na sang kakulangan sa facemask bangud sa kabalaka sa novel-coronavirus.
Ini pagkatapos nga ginkumpirmar sang Department of Health nga isa ka 38 anyos nga Chinese nga babaye ang may yara sang kaso sang nasambit nga virus.
Makit-an sa pila ka mga botika nga may nakapaskil nga wala na sang available nga facemasks nga sarang mabaligya.
Magluwas sina, ginpahayag man ni Dr. Editho Vego,city health officer sang syudad nga may yara na sang mga nagapila sa talatapan sang City Health Office agud makakuha sang libre nga facemask.
Naghingyo man ini sang pagpahangop sa mga tawo nga ginabalibaran sila nga hatagan sang facemask bangud limitado lamang ang ila nga suplay.
Sa subong estable pa ang balor sang facemask sa Koronadal City kung sa diin yara sa P5-P10 ang kada isa, kag P100- P150 ang kada kahon.
