Naglab-ot sa anum ka mga high powered firearms ang ginsungka sang mga residente sa ila nga mga barangay chairmen sa Cotabato City bilang sabat sa kampanya kontra loose firearms sang PNP kag Army.
Ginpatigayon ang ceremonial turn-over sa Battalion Headquarters sang Civil Military Operations sang 6th Infantry Division sa PC Hill, Cotabato City.
Mismo nga ang Ayunan-Pasawiran brothers ang pormal nga nagsungka sang mga armas nga ginsaksihan nanday 6th CMO Battalion Commander Lt.Col. Roden Orbon kag Lt.Col Joaquin Agtarap Jr. sang Cotabato City Police Office.
Ginalakipan ini sang apat ka M4 carbine kag duha ka M16 kun diin isa diri ang may marka nga AFP property samtang ang iban US-made rifle.
Nagppanawagan naman si Brgy. Kalanganan Mother Bimbo Ayunan-Pasawiran sa mga kasubong sini nga kapitan nga awhagon ang ila mga residente labi na ang mga magakandidato sa madason nga eleksyon nga magsabat sa kampanya kontra loose firearms agud nga indi na magamit pa sa kalakasan sa nagahilapit nga eleksiyon sa Mayo 2025.
