KORONADAL CITY- Naghingyo sang bulig ang yara sa P1,400 ka mga kasamtangan kag anay Overseas Filipino Workers sa Bombo Radyo makaligad nga mabiktima sang online investment scam.
Sa eklusibo nga interbyu sang Bombo Radyo Koronadal sa representante sang mga biktima sang online investment scam nga si Bernadette Deleon, madamo sila ang naengganyo sang Royalty Financing kun sa diin ang founder isa ka 19 anyos lamang nga babaye nga ginkilala kay Candy Mabahin sang General Trias Cavite.
Nahibaluan nga pinaagi lamang sa ginhimo nga group chat ni Mabahin ang pagpatigayon sang transaksyon sa Royalty Financing nga nagapromisa sang 200% nga return of investment sa sulod lamang sang pito ka adlaw.
Kaangot sini, nagsugod anay ang mga biktima sa manubo nga balor nga P1,000 tubtob sa naengganyo sila kag mas nagdako ang investment nga P12,000 tubtob P100,000.
Makaligad maengganyo ang mga biktima kag nakakuha na sang dako nga balor sang kwarta, gindelete na suno pa ni Mabahin ang group chat kag nag deactivate nga gintunaan agud wala na nabawi pa sang mga biktima ang ila mga gin invest nga kwarta.
