KORONADAL CITY – Nagsaka na sa masobra 100 ka pamilya ukon yara sa 300 ka mga indibidwal ang pilit nga nagbakwit bangud sa natabo nga pagpangharas sang Bangsamoro Islamic Freedom Figthers (BIFF) sa CAFGU detachment kag buluthuan nga ginsundan sang engkwentro sa tunga nila kag sang government troops sa banwa sang Pigcawayan, North Cotabato.
Ang nasambit nga numero sang mga evacuees ang nagikan sa Barangay Malagakit kag Banucagon nga nagapabilin subong sa Multipurpose Building kag Municipal Hall sang Pigcawayan nga ginhimo temporaryo nga evacuation center.
Sa interbyu sang Bombo Radyo Koronadal kay 6th ID Spokesperson Captain Arvin Encinas, yara sa lima ka mga sibilyan pa ang ginauyatan sang BIFF nga ginhimo nila nga hostage sa pagpalagyo sa tropa sang gobyerno.
Sa subong, nagapadayon ang paglagas sang joint force sang 34th IB Philippine Army kag Pigcawayan PNP sa BIFF.
Madumduman nga nagdugay sang halos lima ka oras ang natabo nga engkwentro sa tunga sang tropa sang gobyerno kag sang yara sa 200 ka BIFF nga ginpangunahan ni Kumander Abunawas Damiog alias Kumander Agila sa Brgy. Malagakit kaina sang aga.
Sa subong yara sa full alert ang banwa sang Pigcawayan ku diin ginpasiguro sang mga otoridad nga indi maging kasubong sa Marawi siege ang natabo sa amo nga lugar.
Samantala, posibleng hanggang bukas ay suspendido ang pasok sa lahat ng antas mula Elemntary hanggang Highschool sa nabanggit na lugar hangga’t hindi pa tapos ang clearing operation ng militar
