Ginapaabot nga masobra 10 milyon ka tawo, lakip ang mga delegado halin sa kapin 100 ka pungsod, ang matambong sa lubong ni Ali Khamenei sa Tehran, matapos siya mapatay upod ang pila niya ka mga miyembro sang pamilya sa pag-umpisa sang kinagamo sa tunga sang Estados Unidos, Israel kag Iran.
Samtang, naglunsyar naman sang panibag-o nga mga airstrike ang Israel sa nagkalain-lain nga lugar sa habagatang Lebanon, nga suno sa ila nagatarget sa imprastruktura kag mga miyembro sang Hezbollah, bisan may framework agreement na nga ginpirmahan sang duha ka kampo para tapuson ang kinagamo.
Suno sa Lebanon Ministry of Public Health, naglab-ot na sa 4,301 ang napatay kag 12,199 ang napilasan sa mga pag-atake sang Israel sa Lebanon halin Marso 2.
Sa pihak naman sang West Bank, may mga panibag-o nga pag-atake man sang mga Israeli settler batok sa mga Palestinian sa mga lugar sang Tubas, malapit sa Hebron, nabagatnan-sidlangan sang Bethlehem kag naamihanan-sidlangan sang Ramallah.
