KORONADAL CITY – Tuman ka dako kag seryoso nga problema ang nagaluntad nga terorismo sa isla sang Mindanao ilabi na syudad sang Marawi, ini ang ginhatagan punto ni Deputy Speaker for Mindanao kag South Cotabato 2nd District Congressman Ferdinand Hernandez sa interbyu sang Bombo Radyo Koronadal.
Suno sa mamalidha, hindi isolated case lang ang nagaluntad sa Marawo City bangud sa pagkamatuod pila ka insidente na sang terorismo ang nagaluntad sa pila ka bahin sang Mindanao kun sa diin pila sa mga Maute terrorist ang nasiplatam sa bahin sang Sarangani Province kag pila sa mga ini ang napatay sang tropa sang gobyerno.
Nagakahulugan lamang ini nga malapad na ang lugar kun sa diin may posibilidad sang operasyon sang ISIS linked terrorist na Maute.
Kaangot sini, tanan nga mamalidha halin sa Mindanao ang suportado ang deklarasyon sang Martial Law bangud base ini sa constitutional rights sang presidente kag nahibaluan sini ang seryoso nga pamahog sang terorismo sa lugar.
