Manunudlo ginlaslas ang liog sang live in partner nga CAFGU matapos makigbulag

KORONADAL CITY – Nagapadayon ang imbestigasyon sang mga otoridad sa hana nga pagpatay sang isa ka CAFGU sa live in partner nga manunudlo sa Banisilan, North Cotabato.
Sandig sa report, nakigbulag na ang biktima nga si Joy Daguhoy sa karelasyon nga si Randy Chris Ymana, isa ka CAFGU sang 38th IB, Philippine Army.
Nahibaluan nga gin-agawan pa sang magkarelasyon ang ila nga bata makaligad nga mag-away kun diin nagdesisyon suno pa ang biktima nga indi na makig-uli sa suspek.
Maayo nalamang kag nakaluwas ang biktima nga gilayon nadala sa pinakamalapit nga balay-bululngan.
Sa subong padayon nga ginapangita sang kapulisan si Ymana.
Desidido naman ang pamilya sang biktima nga pasakaan sang kaso ang nagpalagyo nga suspek.