KORONADAL CITY – Personal nga nagpalab-ot sang pagpasalamat sa Bombo Radyo Koronadal ang isa ka maltreated OFW matapos nga masagop kag makapauli sa pungsod.
Emosyunal pa nga ginbalikan ni Rowena Quiñones, 32, nga taga-Brgy. Idauman, President Roxas, North Cotabato sa nangin eksperiensiya sini sa Saudi Arabia.
Suno kay Rowena, indi niya mapaathag ang kalipay nga nabatyagan sang makita ang bana kag 5 ka mga kabataan.
Kaangot sini, indi man matapos ang pagpasalamat niya kay Bombo International Correspondent Boyet Forro kag sa Bombo Radyo Koronadal sa pagbulig sa iya nga makapauli nga luwas matapos nga naghangop sa Bombo ang iloy sini.
Gindugang pa ni Rowena nga indi maghapos ang mangink Pinay DH labi na kun abusado ang employer kasubong sang iya nadangrtan.
Nahibaluan nga una naman nga nabuligan sang Bombo Radyo ang utod ni Rowena nga si Visitacian Alvarez nga nangin maltreated man sa pungsod Kuwait.
