KORONADAL CITY– Nagpangayo sang bulig pinaagi sa Bombo Radyo Koronadal ang utod sang 2 ka mga Overseas Filipino Workers nga naga trabaho sa Abu Dhabi.
Sa ekslusibo nga interbyu sang Bombo Radyo Koronadal kay alyas Neneng, 6 ka bulan na nga nagatrabaho ang 2 ka mga utod sini nga sanday alyas Airene kag alyas Ninfa halin sa syudad sang Koronadal kun sa diin direct employment ang natabo sa ila kag wala na nag-agi sa ahensya apang may isa lang ka Bai Bhandaraya ang nagrecruit sa ila usar ang cellphone kag gin diretso nga ginbaklan sang ticket kag ginpalakat padulong sa Abu Dhabi.
Pag-abot sa nasambit nga lugar, wala nalab-utan sang isa ka bulan kag nagpakita na sang malain nga batasan ang ila amo kag masami sila ginabuyayaw, ginakulata kag wala sang insakto nga sweldo.
Sa karun tuman ang kabalaka sang ila pamilya bangud nagapangayo na ang mga ini sang bulig nga ma rescue sa indi masarangan nga pagpang maltratar sa ila.
Nagakabalaka man ang mga ini bangud ang isa ka Ethiopian national nila nga kaupod sa trabaho ang namissing makaligad man ang pagpangmaltratar sang ila mga amo.
