KORONADAL CITY – Dako gid ang katingala sang lolo sang 15-anyos biktima nga wala na sang kabuhi ang iya nga apo matapos ini nga ginpatay kag gina alegar ini nga gin himuslan sa Barangay Maligo, Polomolok, South Cotabato.
Sa interview sang Bombo Radyo Koronadal kay Birteng Escaran, lolo sang biktima, ginpahayag sini nga iya gid ginkakibot ang natabo sa iya nga apo, apang sa iya nga pagkakilala sa biktima, mahilig ini nga mag lagaw kag permi man ini nga ginasugat sang iya nga nobyo.
Dugang pa kay Escaran, wala man nagapamati ang iya apo sa iya nga iloy kung ini indi pag-pasugtan nga maglagaw bangud nga nagapangakig ini kung indi pagpasugtan.
Kaangot sini, apesar nga wala pa matumod kun sin-o ang may kahimuan sang krimen, nagpanawagan ini sa suspek nga mag surrender na agud atubangon ang nagakaangay nga kaso.
Inid kadungan man sang ila panaawagan sang hustisya para sa biktima.
