Lalaki patay sa ginkaon nga manok, ginaistoryahan sa Koronadal City

KORONADAL CITY – Ginaistoryahan subong sa Koronadal City ang nangin kamatayon sang isa ka lalaki sa Barangay Topland, Koronadal City.

Base sa impormasyon, nasapwan na lamang nga wala sang kabuhi si Pedro Lamingaw, 53-anyos, wala sang asawa, mangunguma kag residente sang nasambit nga Baranggay.

Sa imbestigasyon sang Koronadal City PNP, nasapwan ang wala na sang kabuhi nga lalaki nga nakahapa sa panimalay sini apang wala sang anoman nga pilas okun palatandaan nga ginpatay ini.

Suno naman sa mga kakilala sang biktima, antes matabo ang insidente nag ihaw ini sang manok nga gintukob suno pa sang man og kag ginkaon.

Sa subong, gina imbestigaran na ang insidente agud matumod kun ini ang nangin kabangdanan sang iya kamatayon.