Yara na sa kustodiya sang mga otoridad angn isa ka lalaki nga may kaso nga carnapping matapos nga mabalabagan kag maaresto sa boundary sang Paglat, Maguindanao del Sur kag President Quirino, Sultan Kudarat
Ginkilala ang naaresto nga si Jason Palaguyan Mangabpil nga residente sang Lutayan, Sultan Kudarat province.
Naaresto ini sa ginpatigayon nga hot pursuit operation sang mga personnel sang President Quirino Municipal Police Station, kag Paglat Police.
Suno sa President Quirino Police, ang carnapping suspect nga si Mangabpil ang involbado sa pagpangawat sang motorsiklo sa Tantangan, South Cotabato.
Ang Honda nga ginkawat sini ang nakarehistro sa pangalan sang isa ka Crestina Guinto Dubria.
Ginauyatan na sang kapulisan si Mangabpil kag ang motor nga iya ginkawat.
