Ginbunyag sang mga organizers sang Paris Olympics 2024 nga wala sila nagbayad sa mga nagperform sang Opening Ceremony.
Suno sa mga organizers, ang tanan nga mga artista kag singer nga nagperform sang Hulyo 26, lakip na sanday Lady Gaga kag Celine Dion, wala nagkuha sang bayad para sa ila pagperform.
Madamo ang nangin emosyonal kag namangha sa performance ni Celine Dion sang “Hymne à l’Amour” ni Edith Piaf samtang siya yara sa Eiffel Tower.
Ini ang una nga pagkakataon nga nagtanghal ang singer matapos ang apat ka tuig nga siya na-diagnosed sang Stiff Person Syndrome.
Una nga naglapta ang balita nga nagdawat sang tig $2-milyon sanday Dion kag Lady Gaga, gani nagsalita na ang mga organizers kag ginpabulaanan ini nga balita.
Ini na ang ikaduha nga pagtanghal ni Dion sa Olympics, nga ang una amo ang 1996 Atlanta Olympics.
