KORONADAL CITY – May yara sang reserbasyon si Koronadal Mayor Eliordo Ogena angot sa ginaduso ni South Cotabato Governor Reynaldo Tamayo Jr. angot sa Rapid Household Profile Survey, Mobile Application kag ID system sang probinsya.
Suno kay Mayor Ogena, posible nga mabayolar ang privacy sang isa ka indibidwal kun ipatigayon ang nasambit nga mga tikang kun pagaisa-isahon suno pa ang mga panimalay kag may i-fill-up nga form nga nakasulat ang ila personal information.
Ginhatagan punto sini nga kun indi maproteheran ang privacy sang nasambit nga persona, posible ini nga mangin subject sa diskriminasyon.
Dugang ni Mayor Ogena, balasehan sang mga pagsulondan sa contact tracing kag privacy sang isa ka persona amo ang Joint Memorandum Circular #2020-0002 sang Department of Health kag agud maproteheran ang isa ka persona.
Ginproponer sini nga kun ipatigayon ang pagcontact-trace, mas maayo nga magsugod didto sa suspetsado nga persona kag didto i-trace ang mga persona nga iya nakaatubang.
