KORONADAL CITY- Naka half mast subong ang hayahay sang Pilipinas sa syudad sang Koronadal partikular na sa Koronadal City Police Station makaligad ma implikar sa Vehicular accident ang 2 ka myembro sang Koronadal City PNP sa Crossing Matin-ao , Polomolok South Cotabato kahapon sang udto.
Madumduman nga kalakip sa 3 ka pulis nga napatay sa aksidente ang ginkilala kanday SPO2 Arnel Jalis kag SPO2 Romar Vistavilla sang Koronadal City Police Station.
Tuman naman ang pagpangasubo sang mga himata sang nasambit nga mga Police Officers samtang nagpalab-ot naman sang pakigsimpatiya si South Cotabato Police Provincial Director Police Senior Superintendent Franklin Alvero kag mangin man ang hepe sang Koronadal City PNP nga si Police Superintendent Barney Condes sa mga nabilin nga mga himata sang kapulisan.
Madumduman nga 20 naman ang pilason sa pagkarambola sang mga salakyan lakip na ang mga Police Trainees.
