KORONADAL CITY- Nagtuga sang kabalaka ang kakulangan sang information dessimination sang Philippine Embassy to Kuwait bangud sa nagalapta nga impormasyon sa mga Overseas Filipino Workers sa pungsod Kuwait angot sa deployment ban nga ginmando ni Pres. Rodrigo Duterte.
Sa ekslusibo nga interbyu sang Bombo Radyo Koronadal kay Bombo International Correspondent Nova Melanie Castor, isa ka OFW sa Kuwait,nagakabalaka ang mga pinoy sa nasambit nga pungsod bangud sa nagalapta nga balita nga indi pwede mag renew ang mga ini kag ang mga magapauli sa pungsod bangud indi na pwede ang mga ini nga magbalik sa Kuwait.
Bangud sini pila sa mga pinoy ang natalana nga magbakasyon kun tani sa pungsod ang nagapangduha-duha na magpaulo bangud sa nasambit nga impormasyon samtang ang yara sa 40 anyos na ang edad ang nasayangan sa ibilin nga trabaho ilabi na nga ginakahadlukan sang mga ini nga basi wala na sang abtan nga trabaho sa Pilipinas bangud sa diskriminasyon sa edad sa mga trabahante nga mga pinoy.
Nagpanawagan naman ang mga OFWs sa Kuwait kay Pres. Duterte nga ipasiguro nga maayo ang pagaplastaran sang mga ini pag-abot sa pungsod bangud sa mabudlay nga kabuhi kag madamo ang nagasalig nga mga himata sa ila.
