Jail officer, patay makaligad nga madanlog kag mahulog sa falls samtang nagavideo

KORONADAL CITY – Ginbawian sang kabuhi ang isa ka jail officer sang Cotabato City makaligad nga malumos sa Hidak Falls sa Barangay Kematu, Tboli, South Cotabato.

Ginkilala ang biktima nga si Leo Solinap, 37, sultiro kag residente sang Koronadal City.

Sandig sa report, ginakuhaan sang video sang biktima ang isa ka alibang-bang nga nagalupad sa lugar sang aksidente ini nga madanlog kag mahulog sa falls.

Bangud sa pagkahulog sini, gin-anod ang biktima sang mabaskog nga tubig kag wala gilayon mabuligan.

Gindala pa pa sa hospital ang biktima apang gindeklarar na ini nga dead on arrival sa hospital.

Sa subong, temporaryo anay nga ginsira para sa publiko ang Hidak Falls bangud sa natabo