Gin-akusaran sang Iran nga gin-atake sang Estados Unidos ang isa ka ginatukod pa lang nga nuclear power plant, samtang ginpahayag naman sang Kuwait nga isa ka power generation kag water desalination plant ang liwat nga gin-target sa ikaduha nga beses sa sulod sang duha ka adlaw.
Samtang nagalala ang tensyon sa rehiyon, nagpagwa sang advisory ang US Embassy sa Jordan nga nagapahanumdom sa mga Amerikano nga indi anay magkadto sa airport ukon seaport sa siyudad sang Aqaba bangud sang isa ka “specific and credible threat.”
Ang warning nagsunod matapos mapatay ang duha ka suldado sang Estados Unidos, may isa pa nga wala gihapon makita, kag may iban nga napilasa sa gin-alegar nga pag-atake sang Iran sa isa ka military facility sa Jordan.
Ginpahayag ni US President Donald Trump nga makaluluoy ang natabo, kag ginpasiguro nga indi nila tugutan ang Iran nga makabaton sang nuclear weapon.
Sa pihak naman sang Iran, nagpaandam ang isa ka mataas nga commander nga ang bisan ano nga agresyon batok sa ila pungsod pagasabaton sang armado nga pwersa pinaagi sa desidido kag mabaskog nga balos.
