Gin-akusahan sang Iran ang Estados Unidos nga wala nakatuman sa katungdanan sini nga maghatag sang seguridad sa mga pungsod sa rehiyon, kag sa baylo, nagapadugang pa ini sa mga peligro nga ila ginatubang.
Suno kay Iranian top security chief Mohsen Rezai, ang kakulang sang seguridad nga ginahatag sang US isa ka klaro nga pagpamatuod nga mahimo man ini mangin pamahog sa tagsa ka pungsod sa rehiyon.
Gindugang ni Rezai nga ang seguridad sa West Asia dapat maghalin mismo sa mga pungsod sa rehiyon kag indi magsalig sa pagpanginlabot sang iban nga mga pungsod.
Nahibaluan nga makapila na ka beses nanawagan ang nagkalain-lain nga pungsod nga untatan na sang US kag Israel ang ila mga pag-atake agud malikawan ang dugang nga pagsaka sang tensyon sa rehiyon.
Sa pihak sini, ginpabutyag sang Iran nga indi sila magpatalupangod ukon magpadaog sa bisan ano nga pamahog nga ginapahayag sang Estados Unidos.
