Nagtuga sang pagkanselar kag pagdelatar sang pila ka selebrasyon sang Independence Day ang tuman ka init sang panahon sa nagkalain-lain nga bahin sang Estados Unidos, lakip ang mga parada sa Washington kag Philadelphia.
Temporaryo nga ginpasirad-an ang Great American State Fair sa Washington matapos madamo ang ginbulong bangud sang heat-related illnesses, samtang 11 ka ka tawo ang gindangat sa balay-bululngan paagi sa ambulansya.
Ginkanselar man ang Salute to Independence Semiquincentennial Parade sa Philadelphia bangud sa peligro nga dala sang tuman ka init.
Suno sa US National Weather Service, masobra 165 milyon ka tawo sa East Coast kag Midwest ang nakaagom sang rekord nga kataas sang temperatura.
Sa pihak sini, padayon gihapon ang selebrasyon sang ika-250 nga anibersaryo sang Amerika, lakip ang ginapaabot nga pagtalumpati ni US President Donald Trump, bisan ginapaabot nga magapadayon ang mataas nga temperatura.
