Ginpahayag ni Senate President Sherwin Gatchalian nga matawhay kag organisado ang pag-uswag sang impeachment trial ni Vice President Sara Duterte sa una nga anum ka adlaw sang hearing.
Suno kay Gatchalian, dako ang kontribusyon sang prosecution kag defense panels, lakip na ang preparasyon sang Senado, kooperasyon sang mga senator-judges, Senate Sergeant-at-Arms kag iban pa nga personnel sa pagpadayon sang malinong nga trial.
Gindugang niya nga ginhatagan man sang importansya ang seguridad bangud mataas nga opisyal sang gobyerno ang ginpaidalom sa hearing.
Samtang, ginapaabot nga mangin mas mainiton ang hearing sa Hulyo 20, sa diin magatubang si National Bureau of Investigation (NBI) Director Melvin Matibag kag ipaguwa man sang Senate impeachment court ang desisyon sa ginapangayo nga subpoena sang House prosecution panel.
Suno pa kay Gatchalian, ang mga dokumento nga ginapangayo pinaagi sa subpoena amo ang isa sa pinakamahinungdanon nga bahin sang reklamo, bangud ini ang magahatag sang mas kompleto nga laragway sang mga isyu sa pinansyal nga ginabato batok sa bise presidente.
