Wala sang mahatag nga ikaayo sa pungsod ang impeachment kay Vice President Sara Duterte.
Ini ang nangin kabahin sang pahayag ni South Cotabato Governor Reynaldo Tamayo Jr. sa interview sang Bombo Radyo Koronadal.
Suno sa iya, maathag ang iya nga panan-awan nga indi na mag intra pa sa impeachment ni VP Sara Duterte bangud wala ini sang maayo nga idulot mga Pilipino magluwas pa diri, may ara pa sang mas madamo nga obligasyon nga dapat unahon sa Pilipinas.
Ginpahayag pa sang Gobernador nga mas maayo nalang nga maghubpong ang tanan agud nga makab-ot ang tumong sang mga Pilipino sa baylo nga mag ilinaway ang tanan.
Ginpasang-at kahapon nga adlaw, Pebrero 2, 2026 ang impeachment complaint batok kay Vice President Sara Duterte sa Office of the Secretary General sang House of Representatives.
Ini ang ginpasang-kag sang Makabayan bloc kaangot sang gina-alegar nga iregularidad sa pag-usar sang confidential funds sang iya talatapan.
Suno kay Renato Reyes Jr. sang Makabayan, tinutuyo sang tikang nga mapanabat ang mga opisyales nga nagalapas sa pagsalig sang publiko.
Madugay na nga kontrobersyal ang isyu sang confidential funds halin pa sang 2023, sang matukiban ang P125 milyon nga ginbalhin halin sa Office of the President paduk-ong sang Office of the Vice President.
