KORONADAL CITY- Nagapadayon sa subong ang imbestigasyon sang kapulisan sa nagluntad nga pagpang-ambush sa mag-asawa sa atubangan sang Cotabato Regional Medical Center sa siyudad sang Cotabato.
Ginkilala ang mga napatay nga sanday Ferdausi Uko, 59, anay principal sang Kabuntalan Elementary School kag Vivian Uko, 44 nga lunsay mga residente sang Sitio Pagagao, Datu Balabaran, Cotabato city.
Naguwa sa imbestigasyon nga samtang sakay ang mag-asawa nga Uko sang ila nga salakyan sa bahin sang Sinsuat Avenue agud nga magbisita sa ila nga himata nga may balatian, ginsundan ang mga ini sang wala pa makilala nga mga suspek kag ginluthang sang makapila ka beses.
Madasig nga gindala sa balaybululngan ang duha ka biktima apang ginbawian gihapon sang kabuhi.
Sa subong, wala pa matumod sang kapulisan ang motibo sang krimen.
