KORONADAL CITY – Gina preparar na sa subong nga mga tinion sang Koronadal City PNP ang kaso nga pagbayolar sa curfew implementation sang Koronadal, kaso nga pagbayolar sa Article 151 ukon “Resistance and Disobedience to A Person in Authority or Agents of Such Person” kag Direct Assault batok sa isa ka Job Order Clerk sang City Assessors Office, Koronadal City bangud sa ginhimo sini sa police station sang nadakpan ini bangud pag bayolar sa curfew nga ginapatuman sa syudad.
Ginkilala ni PMaj.Rommel Hitalya, Deputy Chief of Police sang Koronadal City PNP ang subject nga si Cyran Paul Garcia Gamboa, 26 y/o, single, Job Order Clerk sang City Assessors Office, Koronadal City.
Sandig sa imbestigasyon sang kapulisan, una nga nadakpan si Gamboa sang kapulisan bangud hubog ini kag manug kaagahon na rason nga dapat ikustidiya ini sa Police station kag hilwayon alas 4 sa kaagahon.
Dugang pa sang opisyal, pag-abot sa police station kag bangud sa kahulogbon, gina alegar nga ginsinggitan pa ni Gamboa ang desk officer kag gin atake pa ang isa ka babayi nga police officer.
Bangud sa ginpakita ni Gamboa nga pagbato sa mga otoridad, maga preparar ang Koronadal City PNP para sa inquest filing sa City Prosecutor’s Office, Hall of Justice, Koronadal para sa disposisyon sang kaso.
