KORONADAL CITY- Nagtuga sang kahadlok sa mga manunudlo, estudyante kag mga residente sa banwa sang Lutayan Sultan Kudarat ang pagkarekober sang isa ka granada malapit sa Quevedo Baptista Elementary School sa Barangay Blingkong kaina sang aga
Ginpahayag ni PSI Herman Luna, hepe sang Lutayan PNP, nga isa ka lalaki nga nagapanglimpyo malapit sa lugar ang nakakita sang MK2 grenade.
Gilayon naman sini nga ginreport sa Lutayan Municipal Police Station kun sa diin sa pagimbestigar sang EOD team nakit-an nga delikado ini bangud wala na ang upper chamber.
Luwas naman nga nadetonate sang EOD team ang nasapwan nga granada malapit sa nasambit nga buluthuan.
Nagpasalamat naman ang opisyal nga wala nagsigabong ang nasambit nga granada.
Kaangot sini, nagpanawagan naman ang nasambit nga opisyal sa mga residente sa lugar nga mangin alerto kag vigilante sa tanan nga tini-on.
