Nagapadayon ang pagtaas sang exports sa bulan sang Abril nga naghatag sa pungsod sang pinakamabakod nga four-month export performance sa sulod sang masobra apat ka tuig sa pihak sang nagapadayon nga geopolitical risks kag pagbag-o sang bayluhanay sang piso kontra dolyar suno sa Department of Trade and Industry (DTI).
Ginatumod diri, ang preliminary data nagikan sa Philippine Statistics Authority (PSA), kun sa diin ginsiling sang ahensya nga ang export sales naglab-ot sa $7.21 billion, mas mataas ini sang 6.3% sumugod sadtong nakaligad nga tuig.
Ginapakita sang bag-o nga numero bilang ika-16 nga sunod nga bulan nga pagdabong sang mga export sang pungsod.
Suno kay Trade Secretary Cristina Roque, ginapakita sang nasambit nga numero ang padayon nga momentum sa export performance samtang nakig-angut ang gobyerno sa mga industriya kag pangpungsudnon agud mapaayo ang kahandaan sang mga nagapaguha sang produkto.
