KORONADAL CITY – Nagpahayag sang hugot nga pagkondenar kag reaksiyon ang grupo sang mga environmental kag human rights advocate may kaangtanan sa dako nga halit sa kabukiran sang Brgy. Ned, Lake Sebu, South Cotabato ban
Sa interview sang Bombo Radyo Koronadal kay Lexi Acosta, ginpahayag sini nga bangud sa nagapadayon nga operasyon sang mga minahan sa kabukiran sang South Cotabato labi na sang coal mining, nabutang sa malain nga sitwasyon ang ang probinsiya labi na nga mabutang sa delikado ang ginakuhaan sang pagkaon, tubig, kag ikaayong lawas sang katawhan.
Dugang pa ni Acosta, kinahanglan nga magtingog ang mga pumuluyo kag maghimo sang nagakaangay nga mga tikang agud ipalab-ot sa mga local nga pamunuan ang panawagan nga untaton ang mga minahan sa bug-os nga probinsya sang South Cotabato.
Nagpanawagan man liwat si Acosta sa mga opisyales sang gobyerno kag mga pumuluyo nga mangin bukas sa mga epekto sang pagmina agud nga gilayon na ini nga mauntat.
Una diri, nagpatigayon sang aerial view ang Sangguniang Panlalawigan sang South Cotabato sa pagpanguna ni South Cotabato Vice Governor Arthur Dodo Pinggoy Jr. nga nag-angkon naman sang negatibo nga pagpakamalaot halin sa katawhan.
