KORONADAL CITY– Nagapadayon sa gihapon ang engkwentro sa tunga sang tropa ng 6th Infantry Division Philippine Army kag sang mga myembro sang Bangsamoro Islamic Freedom Fighter (BIFF) sa Brgy. Poblacion, Datu Paglas, Maguindanao.
Sa esklusibo nga interbyu sang Bombo Radyo Koronadal kay P02 Hernani Pacana sang Datu Paglas PNP , posible madugangan pa ang ginabulubanta nga yara sa 500 ka mga bakwit sa nasambit nga barangay kag ginakabalak-an nga mag overspill man sa mga katupad nga barangay.
Dugang pa sini nga una na nga nagbakwit kahapon ang pila sa mga residente makaligad masiplatan ang mga armado sa ila nga lugar kun sa diin pila sa mga bakwit ang naglab-ot na sa iban nga mga banwa kasubong sa Buluan, Maguindanao kag mangin man sa syudad sang Tacurong bangud sa padayon nga kinagamo sa tunga sang militar kag BIFF.
