KORONADAL CITY – Nagapadayon sa karon ang imbestigasyon sang kapulisan sa nagluntad nga pagpangluthang sa isa ka empleyado sang Bureau of Internal Revenue (BIR) sa Purok Daisy,Barangay New Isabela, Tacurong City.
Ginkilala sang Tacurong PNP ang biktima nga si Datu Alvin Kapunan Camsa, 52 years old, BIR Admin assistant,residente sang Isulan,Sultan Kudarat.
Suno kay Police Col Joan Maganto, hepe sang Tacurong PNP ,sakay ang biktima sang iya nga Montero Mitsubishi kag papuli na kuntani sang hinali nga ginbalabagan sang mga suspek ang salakyan sini kag ginpaulanan sang bala ang biktima.
Gilayon naman nga nag-isol ang biktima agud makapalagyo apang ginsundan pa ini sang mga suspek kun diin tigayon nga naigo kag napilasan ini.
Maayo na lamang kay nakapangayo sang bulig ang biktima kag nadala sa St. Loiue Hospital para magamot.
Nagpalagyo naman ang mga suspek sakay sang motorsiklo matapos ang insedente.
Sa karon, ginahibalo pa ang motibo sa pagpangluthang sa biktima.
