Madinalag-on nga nakuha sang incoming grade 10 student nga si Chrisia Mae S. Tajarros sang Region 8 ang una nga gold medal sa athletics division sa nagapadayon nga 2026 Palarong Pambansa matapos magdaog sa 3,000-meter run para sa secondary girls nga ginhiwat sa Patin-ay Sports Complex.
Isa ini ka back-to-back nga kadalag-an para sa incoming Grade 10 student-athlete sang Tanauan National High School sa Leyte matapos man siya magkampeon sa kasubong nga event sa 2025 Palarong Pambansa nga ginhiwat sa Ilocos Norte.
Nagpakita sang kusog kag pagkamadasigon si Tajarros sa bug-os nga dalagan nga nagresulta sa iya pag-angkon sang una nga gold medal para sa Region 8 sa athletics competition.
Samtang, silver medal naman ang nakuha ni Angel Mae Lumacang, nga halin man sa Region 8, nga nagdugang sang dungog para sa ila rehiyon sa amo nga kompetisyon.
