KORONADAL CITY- Duha ka mga tropical cyclones ang mahimu magsulod sa Philippine Area of Responsibility (PAR) sa masunod nga mga inadlaw.
Ini ang gin kumpermar ni Philippine Atmospheric, Geophysical and Astronomical Services Administration (PAGASA) General Santos City, weather specialist Benrion Biñan interview sang Bombo Radyo Koronadl.
Sandig sa forecast, wala pa sang bagyo nga magasulod sa PAR sa masunod nga tatlo ka adlaw.
Apang pagalauman ang pagsulod sang duha ka tropical cyclones matapos ang nasambit nga inadlaw nga may kaanggid sa bagyo nga Caloy kag Domeng.
Dako ang posibilidad nga mangin bagyo ang 2 ka mga kalain sang paniempo nga na-ispatan sa malapit sa Philippine Area of Responsibility.
Dugang pa ni Biñan, magapadayon man nga maka-esperyensyar sang pag-ulan ang nagkalan-lain nga bahin sang Pilipinas nga dala naman ang La Niña.
Suno pa, ang mga maapektuhan sa pag-ulan amu ang Visayas, Bicol region, Palawan kag Eastern Mindanao.
Ginapahalong naman sang PAG-ASA ang tanan labi pa sang mga laow lying areas nga mag-aligmat sa posibilidad nga pagsaka sang lebel sang tubig.
